وكانت كلمة صنعت صمتا ً

فى مرة أخدتنى الجرءة وقولت لأصحابى وأحنا بنتكلم عن المشاكل اللى بتمر بيها مصر من ضرب القضاة وحبس الصحفيين واعتقال كل من يثبت عليه تهمة حب مصر والحاجات دى يعنى قولتلهم وبصوت عالى " ياجماعة والله أنا كفرت خلاص " طبعا ً الكلمة صنعت صمت كنت أتوقعه وبعد مرور بعض الدقائق لا أستطيع حسابها قالى واحد منهم حرررررررررررام عليك وأستغفر ربنا يأخى هو انت أتهبلت قولتله لأ انا مش أهبل وبدأت أفسر له يعنى أيه أنا كافر وقولتله ياصاحبى أن كافر من نوع تانى " ماهو الكفر أنواع " الكفر اللى أنا مش هاخبيه أبدا وهو أنى كافر بالنظام ده كافر بمبارك وجمال وسوزان كافر بكل حاجه فيه بكل سياسته وقوانينه ووزرائه ومسؤلينه ، كافر بالسجون والتعذيب وأقسام الشرطة ، كافر بالبطاله والفقر والضياع والأهانه ، كافر بالناس اللى ساكته والشعب اللى مبيتحركش ، كافر بسياستنا اللى ضيعت كرامتنا وهانتنا فى كل الدنيا ، كافر بلى موت ولادنا فى الغربة واللى حرقهم فى ليبيا وغرقهم فى البحر الأحمر ، كافر بلى خلى رغيف العيش اللى ميقربش للعيش غير بالأسم عملة ندره صعب الحصول عليها ، كافر بالوزراء اللى جوعونا وعطشونا ونايمونا فى الشوارع ، كافر بدولة بهدلتنا وبيعتنى ولدنا دولن أستطاعت أن تقتل الأمل فينا ونستنى أن فى بكرة وفى مستقبل وفى شمس هتيجى هتقضى على الليل وأن بعد كل الضلمة دى هنلاقى نهار ، أيوه خلاص أنا كافر بكل الأقلام وبكل الدفاتر .. يااااااااه على دى دولة تستحق الكفر.. الدولة دى قاسية قوووووى ولا فيها حد بيسمع وهما بس اللى بيتكلموا وأحنا لابنسمع ولا بنتكلم دا حتى معدش عندنا عقل نفكر أصلاً لومسكت القرأن هتبقى أخوانى ولو لبست تيشرت عليه صورة جيفارا هتبقى شيوعى ولو جبت كتاب عن حقوق الانسان هتبقى عميل ولو قولت ان المسيحين مظلومين هتبقى متمول من أمريكا أما لو نوين تكون لا ده ولا ده وقولت أعيش حياتى بقى واقضيها سكر وعربده وسهر كل يوم فى البارات و " الخمارات " فبرده هيتهموك بالمجون و الفسق وأنك لا موأخذه قليل الأدب يبقى لو عاوزين نعيش فى البلد دى يبقى لازم نكفر بكل حاجة فيها ونؤمن بحاجة واحدة بس هى " أن الله لايغير مابقوم حتى يغيروا ما بأنفسم " صدق الله العظيم ............. رد عليا صاحبى وقالى يااااااااااه والله عندك حق ولو كدة يبقى أنا كمان كافر