يااااااه هى دى بقى مصر اللى بدور عليه

ماتت مصر اللى هى مش أمى ولا أكيد أمك من يوم ما أتولدت أسمع عاشت مصر .....عاشت مصر وكنت دايما أسأل أصحابى وأساتذتى هى فين مصر دى اللى دايما بندعيلها أنها تعيش وتدوم على مر الزمان وكان ديما أجابتهم مش مفهومة وهى أن مصر هى اللى الارض اللى عايشين عليها وهى اللى بتعلمنا ، وتعالجنا ، ونأكلنا ، وتشربنا وكمان هى اللى بتنيمنا . كنت بسمع أن مصر هى أمنا اللى مفروض ندافع عنها ونموت فداء ليها لسه سامع هتاف الطلبة فى الجامعة " بالروح بالدم نفديكى يامصرنا " بس بردة هو فين مصر دى شكلها عامل أزاى ومن مين هنحميها كنت أقول لنفسى هو يمكن يكون أقصدهم نحميها من أسرائيل ولا أمريكا ولا يمكن يكون العدو هما دول الخليج ولا أيران ولا مين هما أعداء مصر و بيكرهوها ليه وهما موجودين على أرضها ولا عايشين فين فضلت تايه مش عارف أى أجابه على أى سؤال لحد ما فى مره ركبت عربيه ويومها كنت مسافر المحلة والطريق طويل المهم فى نصف الطريق وفى عز الحر واحد من الركاب ولع سيجارة والدخان ملئ العربية وناس تكح وناس تهوى بالجرايد اللى معاها ومحدش منهم قاله أطفى السيجارة ، أتخنقت فقولتلة أطفى السيجارة لو سمحت وحس بالناس اللى معاك انت مش راكب لوحدك دا أحنا لينا حق زيك بالظبط بص ليا كده بقرف وقالى مش طفيها انا حر أستغربت من رده كان شكله بلطجى قولت أستنجدت بالسواق ــ هى مش برده عربيتة ــ كان رد السواق هو كمان مفاجئة قالى " أتصرفوا مع بعض يأستاذ ولو سامحتوا لموا الأجرة سوا " أستغربت من الكلام ده واللى أستغربتله أكتر هما الركاب اللى قاعدين كل اللى بيعملوه بس يكحوا ومحدش منهم حتى أتكلم ووقف معايا كان يومها معايا واحد صاحبى قالى أهى هى دى مصر اللى كنت عاوز تعرفها وبتدور عليها هى دى مصر عربية ميكروباص المدخن ده هو الفساد اللى فى كل المؤسسات والوزرات منتشر ومبلطج على الكل والسواق هو الحكومة اللى سايبة كل حاجة ويارب تخرب المهم تجمع الضرائب وتطلع دينا أما باقى الركاب فهو الشعب اللى شايل كل الهم والمر ده ومستحمل وصابر ومش عاوز حتى يتكلم وانتى بقى ياسيدى ـــ يقصدنى أنا المره دى ـ المعارض اللى دايما واقف لوحدة ومحدش بيقف معاه قولتله هى دى بقى مصر اللى كنت بدور عليها ، لكن فى حاجة انت نستها ..... قالى هى ايه ؟ قولتله حضرتكبقى تبقى المثقف اللى شايف وعارف كل الحاجات دى وماعليه الا انه بيتكلم وخلاص ومن ساعتها عرفت أيه هى مصر اللى هى مجرد عربية ميكروباص هى فعلا كده تستاهل أنها تموت غرقانه فى العبارات وتتحرق فى المسارح وتتعذب فى الأقسام وُتعتقل بالسنين ، تستاهل تعيش جعانه مش لقيه رغيف حاف ، تستاهل تعيش عطشانه وعريانه وولادها فى بلاد العالم متهانه ، وفلوسها فى بنوك سويسرا مسروقه و متعانه ، والله تستاهل يحبسوا فيها الصحفيين ويشردوا العمال والموظفين ويبيعوا البلد للخواجه الأنجليزى ـ حتى والله معدش بس أنجليزى دا بقى فرنساوى وأيطاليا وكمان هندى ومش بعيد يبقى أسرائيلى ـ مصر دى تستاهل واحد زى مبارك ووريث زى جمال ، تستاهل تحكمها ست زى سوزان ووليه عهد زى خديجة ، تستاهل يمسك أمنها واحد زى العادلى ويبعها محى الدين ويشتمنا واحد زى نظيف ، ياااااااااااااه هى دى مصر بقى اللى كنت دايما بدعيلها بطولة العمر والله يخليها والله متستاهل حتى بعد موتها انى أترحم عليها

نجاح إضراب عمال غزل المحلة

أنهى عمال غزل المحلة أضرابهم عن العمل اليوم بعد ما أستطاعوا للمرة الثانية أنتزاع حقوقهم من إدارة الشركة الغاشمة ونجح أضرابهم عن العمل فى حصولهم على جميع مطالبهم التى رفعوها خلال الأضراب والأعتصام بمقر الشركة يأتى هذا بعد فشل كل محاولات أمن الدولة وأدارة الشركة والنقابة والحزب الوطنى فى كسر أضراب العمال فقد حصل العمال على حقوقهم دون الخضوع أو الركوع أو الرجوع "عاش كفاح عمال المحلة عاش كفاح الطبقة العاملة " تلك الطبقة الواعية القادرة على معرفة حقوقها وكيفية الحصو ل عليها

عمال المحلة هم الجنود الذين صابروا وجاهدوا كثيرا ًواليوم كللوا كل هذا بنجاح إضرابهم دعونا اليوم نشعر بالعزه والرضا عن عمالنا " والله لسه فيهم الخير " برغم كا الأقاويل

أول أنجاز لإضراب عمال غزل المحلة

عم فرح شديد بين أوساط عمال غزل المحلة فى اليوم الرابع لإضرابهم وذلك بعد الأعلان عن أستقالة صديق صيام رئيس اللجنة النقابية بشركة غزل المحلة الكبرى ــ وهو أحد مطالب العمال ــ وأعتبر العمال أن أستقالة صيام والتى وافقت عليها النقابة العامة انتصارا ً كبيرا ً وتتويج لأضرابهم وأكدوا أنهم مستمرون فى أضرابهم حتى تنفيذ باقى مطالبهم ومن جهه أخرى تزايد تواجد العمال بالشركة وخاصة بعد تعليق منشور الأدارة وفى نفس الوقت مازال عدد من أفراد أمن الدوله والأمن العام يتواجدون بكثرة بين العمال وكذللك ثلاث سيارات أمن مركزى ببنزيون القريبة من الشركة وفى أطار حملة التضامن مع العمال المعتصمين أرسلت نقابة العاملين بالقطاع العام بجنوب أفريقيا والتى تضم 190ألف عامل وهى تعد أكبر نقابة فى مؤتمر نقابات جنوب أفريقيا التى تضم 2مليون عامل برقية تضامن مع العمال وأكدوا فيها أنهم يتفهمون جيدا وضع القمع السياسى والمشكلات الضخمة التى يعانى منها العمال فى مصر واكدوا ايضا ان نضال الطبقة العامله فى المحلة نضال للطبقة العمالية العالمية وإنتصار عمال غزل المحلة إنتصار للطبقة العامله فى كل الدنيا

الأمن يستعد لإقتحام مصنع غزل المحلة وقض الإعتصام بالقوة

عاجل وهام العديد من قوات الامن المركزى وقوات من الأمن العام وأمن الدولة تحاصر شركة مصر للغزل والنسيج و تستعد لإقتحام مصنع غزل المحلة فى اليوم الثالت لاعتصام الـ24ألف عامل وعاملة فيه وكانت الأدارة قد وزعت منشوراُ ــــ ساعة إفطار العمال جاء فيه أن الشركه أجازه منذ يوم 23سبتمبر إلى يوم 30سبتمبر وهو ما رد عليه العمال بتعليق منشور أخر أكدوا فيه أن المصنع منطقه محررة وأكدوا رفضهم للأجازة ويبدو ان الامن قد ضاق بمطال العمال ونوى أستخدام القوة لكسر أعتصامهم ولو بأى ثمن

عمال المحلة يحتاجون الأن أكثر من أى وقت مضى إلى دعم إعلامى وحقوقى وشعبى لصد هذا الخطر عليهم .

صور لعمال غزل المحلة فى أول يوم لأضرابهم

27ألف عامل من غزل المحله يفطرون فى ميدان طلعت حرب بشركه الغزل بالمحله فى أول ايام أضرابهم عن العمل

ودى أول صور حصلنا عليه للعمال أثناء أضرابهم الصور مأخوذه عن مدونه عرباوى ونوعدكم بصور كتيررر

وهى دى بقى مطالب العمال اللى عشانها عملوا الأضراب

العمال يحملون نعش الجبالى رئيس مجلس أدارة الشركة

عاوزين حكومه حره .....العيشة بقت مره

فليعمل كل منا فى مكانه لحشد الرأى العام للوقوف بجوار عمال غزل المحلة

مرة أخرى عمال المحلة

" سامع صوت المكن الداير بيقول بس كفايه مذله ... نفس الصوت اللى فى حلوان بترد عليه المحله "

ها هم عمال غزل المحلة خرجوا مره أخرى ليضئيوا الطريق امام غيرهم ممن يحتملون القهر والذل والعرق اللى رايح تمنه لجيوب ناس لا بتحس ولا بتشوف ولا بتسمع غير الصوت اللى يعرفهم الطريق اللى يقدروا بيه يرفعوا أرقام أرصدتهم فى البنوك ومش مهم عندهم ـــ خالص ـــ الأشياء اللى بيتسموا عمال واخدين حقوقهم ولا لأ انما المهم فعلا ً هو تحقيق المكاسب الماديه وزيادة الفلوس وتغيير العربيه القديمه بتاع السنة اللى فاتت قديمة ـــ قديمة أه ــ ويصيف فى فرنسا أو لبنان أو على الأقل فى الساحل الشمالى أو شرم الشيخ

عمال غزل المحلة دايما هما الصوت العالى اللى بيفوق كل العمال فى كل المصانع ،قبل كده خرج عمال المحله وأعتصموا مطالبين بحقوقهم ووعدتهم الحكومه بتنفيذها ـــ غصب عن ابوها طبعا ـــ ووافقت على كل مطالبهم وبعد هذا النجاح الكبير كانت الشراره التى فجرت العمال فى كل مكان فتبعتها موجه عماليه كبيرة خرج العمال فى كل مصنع وأعلنوا أحتجاجهم ورفضهم على ظلم أصحاب المصانع والشركات سواء كانت الدوله هى المالك او أشخاص شوفنا ملحمةعمال المنصورة ــ أسبانيا و عمال السكة الحديد وسائقى النقل العام وعمال المطاحن وموظفى البريد بل والاكثر من ذلك بعد ان نجح عمال المحلة والعديد من العمال فى إنتراع حقوقهم ، خرج الفلاحين ــ ووقفوا وقفه رجاله ــ خرجوا فى برج البرلس وبشبيش وعزبه النصر وعزبه خير الله وقريه البنزينة بالدقهليه ومحلة مرحوم بالغربية خرج الفلاحين أحتجاجا ً أيضاً على أوضاعهم المأسوية وخاصة بعد قطع المياه عنهم وعن أراضيهم لأجل عيون الأغنياء من رجال الاعمال والوزراء الذين يصيفون ويستمتعون بالمياه

عمال المحلة اليوم يعيدون كتابه تاريخ الحركه العمالية فى مصر بالتأكيد أنه لايوجد أحد منهم يعرف جيفارا أو لينين او ماركس او أى من هؤلاء الذين يحفظ تاريخهم هؤلاء الذين يدعون الدفاع عن العمال وحقوقهم عمال غزل المحلة لم يخرجوا نتيجة قرائتهم لكتاب او أطلاعهم على برنامج لحزب شيوعى او تنظيم يدعى الدفاع عن مصالح العمال ، هؤلاء العمال خرجوا بناء على نداء طبيعى دعاهم فيه إلى رفض الظلم والأستبداد والأستغلال فلنكن جميعا ً معهم بأختلاف توجهاتنا وانتمائتنا السياسيه لنكن مع العامل نفسه لا مع التيار الذى سوف يخرج علينا بعد يومين يحاول أن ينسب هذا الشرف له